Braziliya dushanba kuni Shveytsariyani 1:0 hisobida mag'lub etdi, Kazemironing aniq zarbasi "Selecao"ga ikkinchi g'alabani taqdim etdi.
Neymar Serbiyaga qarshi o'yinda (2:0) to'pig'idan jarohat olgandi va guruhning so'nggi ikki o'yinida qatnasha olmasligi ma'lum bo'ldi.
Hujumchi Shveytsariyaga qarshi to'qnashuvga tashrif buyurmadi va televizor orqali mazkur bahsni tomosha qildi, biroq PSJ futbolchisining qiyofadoshi uning yo'qligini bildirmadi.
Sochi, soqoli va tatuirovkasi Neymarnikiga o'xshash bo'lgan kimsa rasmiy Braziliya sport formasida "974" stadioniga tashrif buyurdi.
O'yindan oldin u shaxsan maydonga kuzatib qo'yildi va erta kelgan bir necha muxlislar bilan selfi tushdi.
Ijtimoiy tarmoqqa joylangan ushbu video 6,8 million marta tomosha qilingan.
Shundan so'ng u tribunaga borib joylashdi va uni haqiqiy Neymar deb o'ylagan muxlislar tomonidan o'rab olindi.
