Hozirgacha o'z safiga O'zbekistonning nomdor futbolchilarini yig'ishga ulgurgan Farg'ona klubi endi xorijda to'p tepayotgan o'zbekistonliklar bilan shartnoma tuzmoqchi.
Championat.asia bosh muharriri Narzulla Saydullaev o'z kanalida "Neftchi" O'zbekiston terma jamoasi himoyachisi Rustam Ashurmatovni "Rubin"dan sotib olmoqchiligini yozdi. Ma'lumotlarga ko'ra, Farg'ona klubi Ashurmatov uchun taxminan 500 ming dollar sarf qilmoqchi, Qozon klubi esa 1 mln. dollar so'rayapti.
Bundan tashqari, "Penalti" kanalida so'nggi mavsumni Qozog'istonning "Astana" klubida o'tkazgan Ibrohim Halil Yo'ldoshev "Neftchi"ga o'tishi mumkinligi yozilgan.
