UZ

"Навбаҳор" - "Бунёдкор" ва "Андижон" - "Локомотив" учрашувлари қаерда ўтиши номаълум Янгиликлар

"Навбаҳор" - "Бунёдкор" ва "Андижон" - "Локомотив" учрашувлари қаерда ўтиши номаълум

ПФЛ бош директори маслаҳатчиси Диёр Имомхўжаев Суперлигадаги муаммолар ҳақида ёзди.

"Хуллас, қизиқ ишлар бўляпти. Мухлисларда тўғри фикрларни шакллантириш, турли хил гап-сўзларга эмас, аниқ маълумотларга эга бўлишлари учун ҳам шулар ҳақида айтиб тураман.

Хуллас, “Навбаҳор” Фарғонадаги “Истиқлол” стадионида ўйнаймиз деб хат берган бўлса, бугун “Истиқлол” томони келишувни яна бекор қилди, дейишди. Кетма-кет иккинчи марта. Фарғона ва Наманган катталари ўзлари келишиб олишар, деб умид қиламиз. “Навбаҳор” эса “Бунёдкор”га қарши беллашув учун стадион излаяпти.

“Локомотив” томони “Андижон”ни қабул қилишга ва иккинчи даврани Андижонда ўтказишга рози бўлди. Бироқ Тошкентда бир кунда икки учрашув ўтказишнинг иложи бўлмаяпти. Қолган 5 та учрашувнинг вақтлари ҳозирча аниқ.

Бу ҳолат жуда ёқимли эмас, шунингдек, кутилмаган ҳам эмас. Муҳими, Андижон, Наманган, Қўқон каби шаҳарлардаги стадионлар яхшиланади. Бекободда яхшиланди, Олмалиқда яхши. Тошкентда ҳам яхши, “Миллий стадион” ҳам яхши бўляпти. Қолганлари ҳам аввалги ҳолатларидан анча ижобий ўзгаришлар қилган. Воқеалар ривожини кузатишда давом этамиз", - деб ёзади Диёр Имомхўжаев телеграмдаги ўз каналида. 


Рейтинг: -44   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг