“Manchester Yunayted” rahbariyati “Sheffild Yunayted”ga ijara berilgan Din Xendersonning o'yinlaridan hayratda. Futbolchining rivojlanishi klub rahbariyatiga maqul kelgan. “Qizil iblislar” bu borada yakuniy qarorga aprelda kelishi kutilmoqda. MYU David de Xeani katta mablag' evaziga sotib, Xendersonni klubga qaytarish varianti ustida o'ylamoqda. Ispaniyalik posbonga ayni damda PSJ da'vogar bo'lib turibdi. Uning MYU bilan shartnomasi esa 2024 yilga qadar tuzilgan.
