UZ

Сўнгги янгиликлар

14:45Про лига. "Олимпик-MobiUz" – "Машъал". Таркиблар маълум  0 14:08Шенсни "Юве"да қолиши учун маоши камайишига рози бўлиши керак  0 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  2 13:09"Бавария" "Штутгарт" вингерига кўз тикди  0 12:46"Манчестер Юнайтед" Каземирога ўринбосар топди  2 12:20Эшитдик-да! ФИФА "Бунёдкор"га илк санкцияни қўллади  20 11:48Клоппнинг ассистенти "Аякс" бош мураббийига айланиши мумкин  0 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  20 10:57Пеп Гвардиола «Манчестер Сити»даги келажаги борасида бир қарорга келди  5 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  8 09:3410 ойга четлатилган Тонали яна узоқ муддатга дисквалификация қилиниши мумкин  3 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  18

Мухтор Қурбонов: Тайёргарликдан кўнглим тўлмоқда Янгиликлар

Мухтор Қурбонов: Тайёргарликдан кўнглим тўлмоқда

Ўз вақтида ақлли футболчилардан бири бўлган Мухтор Қурбонов қайси жамоада ўйнамасин, доим етакчи бўлиб келган.
Бугунги кунда мураббийликда фолият юритаётган Қурбонов айни пайтда биринчи лига иштирокчиси "НБУ-Осиё"ни бошқармоқда. Айтиш керакки, унинг жамоаси бу йил кўпчиликда илиқ таассурот қолдирмоқда. Иккинчи босқич ўйинларига банкирларнинг тайёргарлиги қандай кетаётганини билиш мақсадида Мухтор Қурбонов билан қисқача суҳбат қилдик.

- Мухтор ака, жамоангизнинг иккинчи босқич учун кўраётган тайёгарлигидан кўнглингиз тўлмоқдами?
- Ҳа, шароитимиздан келиб чиқиб, мавсумнинг қолган қисмига пухта тайёргарлик кўришга ҳаракат қиляпмиз. Машғулотлар аввалига кунига икки маҳалдан ўтказилди. Баъзида бир маҳалдан шуғулландик. Йиғинни ўз қароргоҳимизда ўтказдик.

- Шунингдек бошқарувингиздаги жамоанинг ўртоқлик учрашувларида ҳам иштирок этганидан хабаримиз бор.

- Ҳа, машғулотлар билан бирга баъзида синов-назорат ўйинларига ҳам эътибор қаратдик. Чунки ҳозир таркибимизда кўрикдан ўтиш келган бир нечта футболчилар бор. Уларни айнан назорат ўйинлари орқали имкониятларини текшириб бормоқдамиз. Шу кунгача Сўғдиёна, Қўқон-1912 ва Шўртан каби жамоалар спарринг-рақибимиз бўлди. Бугун эса Хоразм билан яна бир ўртоқлик ўйинини ўтказамиз. Бу ўйин ўз майдонимизда кечади.

- Кўрикдан ўтиш келган футболчиларнинг қайсилари билан келишувга эришдинглар?

- Ҳозирча ҳеч бир футболчини қолиши аниқ эмас. Бугунги ўйин кўпчиликни тақдирига ойдинлик киритади. Фаррух Нурлибоев, Жавлон Гусейнов, Фарҳод Усмонов ва бир қатор янги ёш футболчилар кўрикда бўлиб туришибди.

- Жамоа билан хайрлашган футболчилар ҳам борми?

- Биринчи босқичда тўпурарлик маҳоратини намойиш этган иқтидорли ҳужумчимиз Ҳусниддин Ғофуров Сербиянинг "Явор" клубига кўчиб ўтганидан хабарингиз бор. Ундан ташқари грузиялик легионеримиз Тариэль Энукидзе ҳам жамоадан кетди. Бу футболчи ватанига қайтиб кетган.


Исломбек Рустамбеков суҳбатлашди
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика