UZ

Сўнгги янгиликлар

01:50Рубен Аморим: "МЮдаги босим бошқа клублардагидан ҳам кўп"  0 01:07Саудия Арабистони. Марказий ўйинда "Ал Аҳли"дан суперкамбэк!  3 00:51Микель Артета "Манчестер Сити"га қарши ўйин ҳақида: "Арсенал" ўз даражасига баҳо бериши мумкин"  0 00:30Жером Боатенг фаолиятини якунлади  1 00:13"Реал"нинг учинчи аппеляцияси ҳам рад қилинди  3 23:57Миржалол Қосимов: "Туғилган кунимга энг яхши совға бўлди"  0 23:29ЕЧЛнинг 1-тур рамзий термаси эълон қилинди  7 23:04Илёс Зейтуллаев: "Бундай ўйинлар кўпроқ дарс беради"  1 22:45Суперлига. ОКМК — “Бунёдкор” 5:1  0 22:14"Барселона" ПСЖ билан ўйинни қайси стадионда ўтказиши маълум  1 21:55Элдор Мойлиев: "Барчамизнинг мақсадимиз битта: "Шўртан"ни Суперлигада олиб қолиш"  7 21:35Камолиддин Тожиев: "Шўртан" 10 киши бўлиб ҳимоялангани бизга қийинчилик туғдирди"  17 21:23Сардор Мирзаев 861 кундан кейин катта футболга қайтди  0 20:52Суперлига. "Пахтакор" сўнгги ўриндаги "Шўртан" майдонида очко йўқотди  63 20:28Суперлига. ОКМК ўз майдонида "Бунёдкор"ни янчиб ташлади  10

Муҳсин Муҳаммадиев Москвада. “Бухоро”ни ким шуғуллантирмоқда? Янгиликлар

Муҳсин Муҳаммадиев Москвада. “Бухоро”ни ким шуғуллантирмоқда?

Барча жамоалар ўз қароргоҳларида 13 июндан рестарт оладиган Суперлига баҳсларига тайёргарликни олиб боришмоқда.

“Бухоро” жамоаси ҳам йиғинга киришди ва маҳаллий футболчилар билан машғулотларни бошлаб юборди. Ҳозирда бош мураббий Муҳсин Муҳаммадиев Москвада эканлиги боис, футболчиларга Мирислом Ҳасанов бошчилик қилмоқда. Тожикистонлик мутахассис биз билан суҳбатда бўлажак режалар, тақвим ва ҳозирги вазият ҳақида батафсил фикрларини билдириб ўтди.

“Жамоамиз машғулотларга киришганига уч кун бўлди. Биринчи кун футболчилар асосан енгил югуриш машқлари билан чекланди. Тақвим бўйича 15 июнь куни “Андижон” жамоаси билан ўйнашимиз керак. Менимча, баҳс Муборакда бўлиб ўтади. Чунки, биласиз уй майдонимиз чими ҳали тўлиқ тайёр эмас. Бу нарса мавсум бошланишидан олдин маълум эди. Ҳозир шунақа форс-мажор ҳолатидамиз.

Мен оилам билан Москвадаман. Коронавирус туфайли тўғридан-тўғри рейслар қолдирилган. Менинг ўрнимга вақтинчалик ёрдамчим Мирислом Ҳасанов бошқариб туради, дарвозабонлар билан Нурилло Ҳабибов ишлайди.


фото: Мирислом Ҳасанов


Клублар мураббийлари билан видеоконференция орқали гаплашдик, фикрлашдик. Айримлар 11 июндан давом эттиришни таклиф қилди, яна кимдир 15 июндан деди. Менинг фикримча бу сана ҳали бироз эрталик қилади. Боиси, икки ҳафта ичида футболчиларни ҳар томонлама тиклаш қийин. Балки, мен ноҳақдирман. Лекин, 13-санага қадар жисмоний ҳолатни маромига келтириш мураккабдир. Жароҳатлар кўп кузатилиши эҳтимоли ҳам катта бўлади бунақа шароитда. Жаҳонда ҳам камида уч ҳафта ёки 1 ой вақт беришади. Бизнинг жамоа тайёргарликни 1 июнда бошлади.

Мавсумни омадсиз бошладик. Қолган учрашувларда ғалаба қозониб мухлисларни хурсанд қилиш учун ҳаракат қиламиз. Бу йил таркибимиз 90 фоизга янгиланди. Ижарадагилар ва шартномаси тугаганлар кетди. Маҳаллий ўйинчиларга эътибор бермоқчимиз. Бухорода иқтидорли футболчилар кўп”,- дейди Муҳсин Муҳаммадиев.

Абдулазиз Искандаров ёзиб олди

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика