Миржалол Қосимовни биринчи марта мағлуб этган Ҳамиджон Актамов ўйиндан кейин нималар деди?

"Рақибимиз Ўзбекистон Кубогининг амалдаги соҳиби, Ўзбекистонда хизмат кўрсатган мураббий Миржалол Қосимов бошчилигидаги жамоа эди. Қосимовни ўзимга устоз деб биламан. Ўйиндан олдин озгина ҳаяжон бор эди.

Биринчи тур ва иккинчи тур ўртасида танаффус юзага келгани боис яна кичик йиғин ўтказишга мажбур бўлдик. Бугун ғалаба қозонишимиз шарт эди, буни уддаладик", - дейди Ҳамиджон Актамов.

- Бугун Медина Смит дебют қилди ва гол урди. У ҳақида гапириб беринг.
- Бу футболчини Туркиядаги йиғинда эканлигимизда унинг ўйинини кўрдим ва жамоага таклиф қилдим. Смит 1998 йилда туғилган, 21 ёшда. Никарагуада биздаги каби шароитлар йўқ. Ўйинлари ёмон эмас, ҳали бундан ҳам яхши ўйнайди.

- "Қизилқум" ўз легионерларини узоқ вақт сақлаб қолади. Бунга сабаб нима?
- Билмадим. Тўғри иш олиб бораяпмиз, балки шунгадир. Лекин бизда "отни калласидек" пул йўқ. Ўтган йилдан қолган мукофот пуллари ҳам бор. Футбол энди шундай, бугун бизда байрам. Байрамни давом эттириш учун ҳаракат қиламиз. Устозим Ислом Аҳмедовга чуқур миннатдорчилигимни билдираман. Жамоамиз шундай шаклланишига Аҳмедовнинг хиссаси катта эди.