Маркизио: "Аллегри хато ортидан хатога йўл қўймоқда"
20 сен 2022 14:28
Янгиликлар
Маркизио: "Аллегри хато ортидан хатога йўл қўймоқда"
"Ювентус" собиқ футболчиси Клаудио Маркизио Турин клубидаги вазиятга баҳо берди. "Бьянконери" Чемпионлар Лигасида 2 та ўйинда мағлуб бўлди ва А Серия турнир жадвалида 8-ўринни эгаллаб турибди.
"Муаммо "Ювентус"нинг ютқазаётганида эмас. Ҳар қандай жамоа мағлубиятга учрайди. Аммо "Ювентус" "Монца"га гол урмасдан мағлуб бўлди. Жамоа, мураббий ва клуб ўртасида келишмовчиликлар бор, буни изоҳлардан ҳам билиш мумкин. Кучли жамоа билан сиз ҳатто 10 нафар ўйинчи билан ҳам ўз ўйинингизни ташкиллаштира оласиз. "Ювентус" бунга қодир эмас.
Аллегрига келсак, умид қиламанки, томонлар ҳаммасини ҳал қилишади. Чемпионат икки босқичда ўтказилади ва мураббийни алмаштириш учун танаффусни кутиш шарт эмас. Бу жуда нозик ҳолат. Аллегри клубга пандемия пайтида қайтди, жуда кўп харажатлар бўлди. Лекин у хато ортидан хатога йўл қўймоқда. Жамоа йил бошидан ўсишга эришмади", – деди италиялик.
Олдинроқ "Ювентус" Аллегри келажаги ҳақида гапирган эди.
Ўхшаш янгиликлар
championat.asia
Роналду ММА-промоушен акциядорига айланди
Морган Роналдунинг шартли дисквалификацияси ҳақида: "Тўғри қарор. Криштиануни атайлаб кийимидан тортишган"
Манба: Самвел Бабаян - "Андижон" бош мураббийи!
Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади
Фикрлар