“Темирйўлчилар” жамоаси Белекда кунига 2 маҳалдан машғулотлар олиб бормоқда. Куннинг биринчи қисмида майдонда машғулот ўталаётган бўлса, тушдан сўнг футболчилар жисмоний ҳолатни яхшилаш учун тренажёр залида шуғулланишмоқда.
– Машғулотлар кўтаринки руҳда ўтяпти. Барчамиз янги мавсумга астойдил тайёргарлик кўряпмиз. Ҳам жисмоний тикланишга, ҳам тактик жиҳатга урғу берилган машғулотлар ўтказиляпти. Осиё Чемпионлар Лигасининг 1-тур ўйинига ҳам оз муддат қолди. Насиб этса, ушбу ўйинга яхши тайёргарлик кўриб, стартни яхши олишга уринамиз. Бу йил ОЧЛда ҳам муносиб иштирок этишни мақсад қиляпмиз, – деди жамоанинг моҳир ҳимоячиларидан бири Салим Мустафоев.
Таъкидлаш жоизки, “Локомотив” эртага мазкур йиғин доирасидаги иккинчи ўртоқлик учрашувини ўтказади. 1 февралда жамоамиз Арманистоннинг “Алашкерт” клуби билан баҳс юритади.
