Лондон клуби ва Маунт ўртасидаги шартнома борасида келишилмовчилик юзага келган. Ярим ҳимоячи ўз хоҳиш-истакларининг "Челси" билан битимга мос келмаётганидан норози. Шу туфайли 24 ёшли футболчи ғарбий Лондонни Мерсисайдга алмаштириши мумкин.
Маълум қилинишича, Маунт ўзининг айни пайтдаги ҳафталик даромади 80 минг фунтнинг уч баравар оширилишини истайди. Ҳозир "Стэмфорд Бриж" эгалари бунга тайёр эмас. Бу "Ливерпул"нинг Англия терма жамоаси аъзосини қўлга киритиш учун ҳаракатга тушишига сабаб бўлди. "Қизиллар" устози Юрген Клопп узоқ вақтдан буён Мэйсон Маунтнинг мухлиси бўлиб келган.
