Leo Baptistao bir mavsumda chempion bo'ldi va primeroni tark etdi

Narzulla Saydullayev
18 may 2014, 12:51
Mavsumning ikkinchi qismini Betisda ijarada o'ynagan Atletiko hujumchisi Leo Baptistao Ispaniyada g'aroyib rekord qayd etdi.
21 yoshli futbolchi bir mavsumda ham chempion bo'lib, ham chempionatni tark etgan dastlabki o'yinchiga aylandi.

Mavsum boshida Baptistao Atletiko safida 5ta o'yin o'tkazdi. Yanvar oyida Madrid klubi uni ijaraga berishga qaror qildi.

Betis safida u 17 marta maydonga tushdi va 1ta gol urdi. Biroq klub chempionatda so'nggi o'rinni band etib segundaga tushib ketdi.

Baptistaoning Atletiko bilan amaldagi shartnomasi 2018 yilga qadar amalda bo'ladi.

Narzulla SaydullayevMuallif
Manba: sports.ru