Лэмпард: “Пулишич ёзда атиги бир ҳафта дам олди...”

“Сафарда навбатдаги қийин ўйинлардан бирини ўтказдик. Биз ўйинни ўз назоратимизга олишга интилдик, ярим ҳимояда ажойиб комбинациялар ташкил этдик ва олдинга интилдик. Ҳаммаси ажойиб чиқди. Мен жамоам ўйинини завқ билан томоша қилдим.

Пулишич ёзда атиги бир ҳафта дам олди. Уни катта суммага сотиб олдик ва у бирдан майдонга тушишни истади. Аммо мен нима учун уни дарров майдонга туширишим керак? Мен вазиятга тўғри ёндашиб, унинг имкониятларидан максисмум фойдаланишни истайман. У учун хурсандман.

Доим икки-уч ўйин олдинги вазиятни кузатишга интиламан. Ўйлашимча, жамоада ҳаммаси жойида, улар ғалабага чанқоқ. Шу боис бугун битта ўзгариш ғалабамиз учун етарли бўлди. Муҳими бу билан ҳаволаниб кетмаслик лозим. Биз яхши ўйнадик, аммо бунданда яхшироқ ўйин кўрсатишга қодирмиз.

Мен биринчилардан бўлиб жамоани ўтказиб юборган гол учун танқид қилишим мумкин. Аммо бугун эмас. Чунки жамоам бугун тўп билан ажойиб даражада муомала қилди, бундан фақат завқ олиш мумкин, деди Лэмпард “Sky Sports”га берган интервьюсида.