Xususan, jamoa safiga yaqinda Laziz Ubaydullaev taklif etildi. Yodingizda bo'lsa, ushbu 32 yoshli futbolchi o'tgan mavsum “Andijon” safida o'ynab PRO-Ligada g'oliblikni qo'lga kiritgandi. Keyinchalik Laziz o'ziga yangi jamoa topishga qaror qilib, ma'lum muddat “Buxoro” yig'inida bo'ldi. Qisqa muddat ichida buxoroliklar lagerini tark etgan Ubaydullaev yaqinda o'ziga jamoa topishga muvaffaq bo'ldi.
