UZ

Сўнгги янгиликлар

18:45АГМК собиқ футболчиси Павел Матяш жамоасини ўзгартирди  0 18:21Филиппе Коутиньо АПЛ клубига ўтиши мумкин  8 17:58"Ростов"нинг "Рига"га қарши ўйин учун асосий таркиби маълум  10 17:42Кахи Махарадзе: "Мен юлдуз эмасман ва доим оддийлигимча қоламан" (2-қисм)  13 17:28ПСЖ жазоирлик форвардга қизиқмоқда  2 17:02"Уфа" Остон Ўрунов учун "Локомотив"га 150 минг доллар тўлайди  46 16:59Сульшер: "Клопп 4 йил жамоа тузди"  27 16:36Каванининг трансфери "Атлетико" учун 80 миллион еврога тушади  7 16:11"Реал" "Ливерпуль"нинг таклифини рад этди  5 16:00Olamsport: Бокс бўйича лицензион мусобақани ўтказиш учун даъвогарлар, Конор ёзгача жанг қилади ва бошқа хабарлар  1 15:49Фозил Мусаев: "Нега доим муҳим ўйинларда мағлуб бўламиз? Демак кўпроқ ишлаш керак"  30 15:47Расман: "Реал" футболчиси ижара асосида "Гранада"га ўтди  2 15:39Назорат учрашуви. "Бунёдкор" - "Андижон" 0:0  5 15:15Ла Лига. "Валенсия" - "Барселона" ва 21-турнинг бошқа ўйинлари учун превью  19 14:42Бобур Фарҳодов: “Лутфулла Тўраевнинг ажойиб пасини голга айлантирмасам бўлмасди”  9

Жавлон Эсонов: "Мавсум бошида жамоамизга мусобақа ғолиби бўлиш вазифаси қўйилган эди" Янгиликлар

Жавлон Эсонов: "Мавсум бошида жамоамизга мусобақа ғолиби бўлиш вазифаси қўйилган эди"

Хабарингиз бор, кеча В ПРО-Лига Шарқ минтақасида 27-тур учрашувлари бўлиб ўтди.

Тур доирасидан ўрин олган "Бунёдкор-2" - "Локомотив-БФК" учрашувида мезбонлар 2:1 ҳисобида ғалаба қозондилар. Сайтимиз мухбири мазкур учрашувдан сўнг, "Бунёдкор-2" футболчиси Жавлон Эсонов билан интервью ташкил этди. Қуйида интервьюнинг тўлиқ матни билан танишишингиз мумкин.

Ушбу учрашув қийин бўлишини билардик. Боиси "Локомотив-БФК" жорий мавсумда жуда кучли ўйин намойиш этмоқда, буни уларнинг турнир жадвалида эгаллаб турган ўрнидан ҳам билса бўлади. Шу сабабдан бу жамоага қарши жиддий тайёргарлик кўрдик. Мураббийларимизнинг бугунги ўйин учун танлаган услублари ва кўрсатмаларини тўғри бажарган холда якунда ғалаба қозонишни уддаладик. Албатта гол киритиб, жамоамиз ғалабасига ўз ҳиссамни қўшганимдан мамнунман.

Афсуски, мавсумни кутилганидек муваффақиятли ўтказа олмадик. Бунга сабаб сифатида кўрсатган ўйинларимизда барқарорлик етишмаганини айтиб ўтиш мумкин. Мавсум аввалида жамоамизга мусобақа ғолиблигини қўлга киритиш вазифаси қўйилган эди. Барчангизга маълум, биз иштирок этаётган В ПРО-Лига Шарқ минтақасида "Турон" жамоаси ғолибликни тантана қилди, фурсатдан фойдаланган холда уларни "Бунёдкор-2" жамоаси номидан табриклайман. Шунингдек, жамоамизни бутун мавсум давомида ўйинларга муносиб тайёрлаб келган мураббийларимиз Муроджон Отажонов, Азизбек Ҳошимов, жамоамиз шифокори Рустам Юусупов ва администратор Азиз Таслимовларга ўз миннатдорчилигимни билдираман.

Биласизми, "Локомотив-БФК" устидан қозонилган ғалабамиздан сўнг жамоамизда иккинчи ўринни қўлга киритиш учун имконият юзага келди. Насиб бўлса, сўнги турда астойдил ҳаракат қилиб, ғалаба қозонамиз деган умиддаман. Албатта сўнги турда бизга осон бўлмаслиги аниқ, чунки якуний учрашувни ўша мусобақа ғолиби "Турон"га қарши ўтказамиз - дейди Жавлон Эсонов.

Бекзод Толибов ёзиб олди.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг