Футболчи бугунги учрашувда ажойиб зарба билан рақиб дарвозасини ишғол қилиб жамоасининг голларидан бирига муаллифлик қилди.
"Ўйин қизиқ ўтди. Биринчи навбатда ноқулай об-ҳаво шароитига қарамасдан стадионга келиб қўллаб-қувватлаб туришди. Расмий беллашувлар олдидан охирги ўртоқлик ўйинимизни кўтаринки руҳда якунладик. Суперлига ва Ўзбекистон кубогида ғолиблик учун курашамиз. Биласиз "Пахтакор" доим ўз олдига юқори мақсадларни қўяди", - дейди Сардор Рашидов.
- "Пахтакор"га қайтишингизни гол билан нишонлашни кутганмидингиз?
- Кутиш ёки кутмаслик эмас, гол уриш ниятим бор эди. "Пахтакор"даги сўнгги голимни ҳам "пушка" услубида ургандим. Буни қарангки, қайтишим ҳам шундай бўлди. Давомли бўлсин.
- Жамоага кеч қўшилдингиз. Спорт формангиз қандай?
- 100 эмас, 70-80 фоиз яхши ҳолатда дея оламан. Ўйинларгача янада оптимал ҳолга киришга ҳаракат қиламан.
- "Пахтакор"да нима ўзгарган?
- Бугунги "Пахтакор"да ҳамма нарса ўзгарган. Максим Шацких ўзи ҳам футбол ўйнаган. Шу боис қўл остидаги шогирдларини ҳам тушунади. Ўйлайманки, бу мавсум ОЧЛда ҳам яхши натижа кўрсатамиз.
- Узоқдан кўп бор чиройли голлар урасиз. Бунинг сири борми?
- Ҳаммаси худодан. Биз фақат тепамиз, холос.
- "Пахтакор"га ОЧЛда ҳам ёрдам берасизми ёки ёзда бошқа жамоалардан таклиф тушса клуб қўйиб юборадими?
- Бу саволингизга жавоб бера олмайман.
