Испания термаси финалга йўл олганидан сўнг Луис де ла Фуэнте нималар деди?

«Бахтлимиз. Биз ўзи ярим финалга йўл олганимиз учун хурсанд эдик, энди эса янада хурсандмиз. Айниқса, кучли рақиб таслим этилса, қувонч янада ортади. Бугун футболчиларимиз жуда ажойиб тарзда ҳаракат қилишди, кучли рақибга максимал тарзда ўйин беришмади.

Ҳимояда идеал ҳаракат қилдик, ҳужумда эса бир қатор хавфли ҳужумларни ташкил қила олдик. Умуман олганда, ўйин давомида яхши ҳаракат қилдик.

Финалда кимга қарши ўйнашимизнинг фарқи йўқ, биз бу «Евро»да ўзимизни кўрсата олдик. Финалда кучсиз рақиб бўлмайди. Мақсадимиз — чемпионлик», — деди Луис де ла Фуэнте.