Иньяки Уильямс ва Вальверде "Барселона" билан ўйиндан олдин нима деди?

"Атлетик" Бильбао ва Гана терма жамоаси футболчиси Иньяки Уильямс басклар номидан ОАВ саволларига жавоб берди.

"Кўплаб давлатлар футболни тарғиб қилишни Саудия Арабистонидан ўрганишса бўлади. Мамлакат 2034 йилдаги жаҳон чемпионатига мезбонлик қилиш ҳуқуқини қўлга киритган. Шундай экан Испания Суперкубогига Жидда мезбонлик қилаётганидан хурсандман. Ярим финал баҳсига келсам, мен сенсация ва жамоамга ишонаман. Эртага финал йўлланмасини қўлга киритиш учун майдонга чиқамиз. Қолаверса, жамоамизнинг бошқа мамлакатлардаги мухлислари қаршисида майдонга тушишимизни ҳам унутмаслигимиз керак.

2017 - 2020 йиллар давомида каталонияликлар устози бўлган Эрнесто Вальверде "Барселона" билан ўйин олдидан сенсацияга ишонишини айтиб ўтди:

- Биз мусобақанинг машҳур жамоаси бўлмаслигимиз мумкин, лекин кутилмаган натижа қайд этиш имконияти йўқ эмас. Бундан фойдаланишимиз керак. Рақибни ютиш жуда қийин бўлсада, бунинг учун 90 дақиқа имкониятимиз бор. Осон бўлмайди, аммо рақиб ҳам енгил ютаман деб ўйламаяпти.