UZ

Сўнгги янгиликлар

07:00Eplmanager.com. Бугун "Open Asia Championship V" совринли лигаси старт олади  0 02:00Olamsport: Чимаев билан жанг қилишни исташмаяпти, Ўзбекистонда ММА турнири ва бошқа хабарлар  1 00:53Артета: “Тьяго “Барселона”далигидаёқ менга ёқарди, у ажойиб футболчи”  4 00:18Темурхўжа Абдухолиқов: "Туғилган куним эмас, гол ҳақида ўйладим"  3 00:11“Боруссия” 16 ёшли ярим ҳимоячи билан келишувга эришди  2 23:43ПСЖ посбони яна жамоага қайтди  0 23:07"Металлург" - "Локомотив" 2:2. Бекободдан ГАЛЕРЕЯ  0 23:02Дастлабки танлов ғолиби - Хоразм вилоятида яшовчи Оҳунжон Аминов   1 22:48"Пахтакор" - "Истиқлол" учрашувини уммонлик ҳакамлар бошқариб боришади  11 22:42Унаи Эмери: “Месси дунёнинг энг яхши ўйинчиси ва шундай бўлиб қолади”  5 22:02Александр Ежов: "Энди таркибни ўзгартирмасак бўлмайди"  1 22:02"Тоттенхэм" тўғридан-тўғри Англия Лига Кубогининг 1/8 финалига чиқди, рақиб – "Челси"   2 21:52Исломбек Исмоилов: "Олти нафар асосий таркиб футболчимизда жароҳат бор"  1 21:51Мората "Ювентус"да ўзига рақам танлади   4 21:34Азар ва Асенсио "Реал"нинг "Бетис"га қарши ўйин учун қайдномасидан жой олмади   2

Интервью. Жамшид Болтабоев: “Суғдиёна”нинг муваффақиятлари тасодиф эмас” Янгиликлар

Интервью. Жамшид Болтабоев: “Суғдиёна”нинг муваффақиятлари тасодиф эмас”

Жорий йил якунига етиб бораётган Суперлига баҳслари ўзига хос кутилмаган натижа ва сенсацияларга бой ўтаётганини таъкидлаш жоиз.

Бу албатта турнир жадвалида ҳам ўз тасдиғини топмоқда. Гарчи, чемпион номи бир неча тур аввал аниқ бўлиб улгурган бўлсада, қолган ўринларга кураш сўнгганича йўқ. Жиззаҳнинг “Суғдиёна” жамоаси бронза медаллари учун интилаётгани таҳсинга сазовор, боиси олдинлари бу клуб мунтазам пастки ўринларда, жон сақлаш йўлида ҳаракатланар эди. Хўш, ютуқларнинг сири нимада ёки кимда? Мазкур саволларга бу йилдан эътиборан яна яшил майдонга қайтган Жамшид Болтабоев атрофлича жавоб берди.

- Бекободдан уч очко билан қайтдинглар. Биламиз, “Металлург” ўз майдонида яхши ўйин намойиш этади. Ғалаба ниманинг ҳисобига қўлга киритилди?

- Мураббийларимизнинг ўйиндан аввалги кўрсатмаларини майдонда исботлашга уриндик. Ниятимиз бронза медали экан, уйда ҳам сафарда ҳам фақат ғалаба иштиёқида ва руҳида ҳаракатланамиз.

- “Суғдиёна”нинг айни дамда турнирн жадвалининг учинчи поғонаси учун кураш олиб бораётганини кутилмаган ҳолат сифатида қайд этса бўладими?

- Ташқаридан қараган, клубнинг ичида юрмаган инсонга тасодиф сифатида туюлиши мумкин. Лекин, жамоадагилар ва раҳбарият асло учун кутилмаган ҳодиса эмас. Биз йил бошидан юқори натижаларга эришиш учун интилиб келяпмиз. Қайсидир маънода, омад бизга кўпроқ кулиб боқмоқда. Совринлар учун курашаётганимиз бизга катта мотивация беряпти. Умуман футболчиларнинг потенциали ва мураббийларнинг катта меҳнати туфайли шундай ўринда туришга лойиқмиз деб ўйлайман. Аммо, ўйинимдан кўнглим тўлмаяпти. Ўз устимда ишлашдан тўхтамасам, мукаммал спорт формасига киришга кўзим етади.



- Мавсум бошидаги жамоа билан ҳозирги жамоани ўртасидаги фарқни таққослаб бера оласизми? Чунки орада клубда катта ўзгаришлар юз берди...

- Йил бошида жамоада барчаси қайтадан қурилаётганди. Шахсан ўзим ҳам қишки трансферлар вақтида клубга келиб қўшилганим учун мослашиш бироз қийин бўлди. Балки, жамоадошларимда ҳам шундай бўлгандир. Лекин, ҳозир бир оиламиз. Ички муҳит аъло даражада. Ҳамма бир-бири учун борини беришга тайёр. Мураббий Улуғбек Бақоев бизларни доим ўйинга финалга чиққандек ҳозирлайди.

- Жиззах жамоасини осиё чемпионлар лигасида иштрок этиш имкониятини қандай баҳолайсиз? “Бунёдкор” осонликча таслим бўлмаслиги аниқ...

- Ҳар бир очко муҳимлик даражасини йўқотмайди. Олдинда тўртта тур қолди, бор кучимизни ишга соламиз. Мақсад битта – ОЧЛ саралаш беллашувларида иштрок этиб, жамоамизни Осиёга танитиш!

- «Монако» сизга таклиф билан чиққан экан. Бу трансфер амалга ошишига нима тўсқинлик қилди?

- 2012 йилги Осиё чемпионатидан сўнг мени “Монако” вакиллари жамоага таклиф қилишди. Францияда бир ҳафта давомида машғулотларда иштирок этдим, битта ўртоқлик учрашувида майдонга тушдим ҳам. Мураббийларда, хусусан, клуб раҳбариятида ижобий таассурот қолдирдим. Аммо ҳужжатлар ва яна бошқа сабаблар билан трансфер амалга ошмади.

- Биламиз сиз узоқ муддат катта футболдан узоқда юрдингиз. “Пахтакор” нинг янги раҳбарияти жароҳатингизни даволатишда ёрдам бердими? Жарроҳлик амалиётига оз пул кетмайди, ахир.

- «Пахтакор» раҳбарияти ўз хизматини аямади. Туркияда жарроҳлик амалиётини ўтадим, барча зарур харажатлар клуб томонидан тўланди. Ўтган йил охирида шартномам тугади ва бир-биримизга миннатдорчилик билдириб, самимий руҳда хайрлашдик. Насиб қилса, бир кун келиб юқори савияга чиқиб, яна «шерлар» сафига қайтаман.


Абдулазиз суҳбатлашди

Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика