Илҳом Шомуродовнинг соғлиги қандай?

"Насаф"нинг моҳир ҳужумчиси Илҳом Шомуродов учрашув 58-дақиқасида жароҳати туфайли Азамат Алланиёзовга алмаштирилди.

Кеча Илҳом Шомуродов ўзининг мавсумдаги 8-голини киритди. У учрашув 57-дақиқасида майдон марказида Абдуллаев билан ўзаро комбинация ташкил қилди. Зоҳид чап қанотдан катта тезликда рақиб жарима майдончасига кириб борди ва тўпни ҳужумдаги шеригига оширди. Дарвозабон билан тўп учун курашга чиққан Шомуродов тўпни дарвозага йўллаб ҳисобни очди ва жароҳат олиб майдонни тарк этди.

Албатта бу бу ҳол "Насаф" мухлисларини хавотирга солиши турган гап. Биз бугун Илҳомга қўнғироқ қилиб, унинг соғлиги билан қизиқдик. "Йўқ, жароҳат олганим йўқ. Ҳаммаси жойида. Соппа-соғман. Мана биринчи даврани ҳам яхши якунлаб олдик. Мени ва йигитларнинг кайфиятимиз жуда яхши. Ҳозир Тошкентдаман, энди бироз дам оламиз. 11 июлда Тошкентда йиғиламиз жамоамиз бу ерда тиббий кўрикдан ўтишади. Қаршидаги базамизда 14 июль куни йиғиламиз ва иккинчи даврага тайёргарликни бошлаймиз",-дейди Илҳом Шомуродов.

Биз сайтимиз орқали Илҳом Шомуродовга мустаҳкам соғлик тилаймиз, умид қиламизки, у иккинчи даврада ҳам ўзининг голлари билан биз мухлисларни хурсанд қилаверади.