UZ

Сўнгги янгиликлар

19:03ESPN: Бускетс "Интер Майами" билан музокара олиб борди  0 18:46Мак Аллистер "Ливерпул"га ўтиши ҳақида: "Менинг орзум ушалди"  0 18:23Хави: "Неймар "Барселона"нинг режаларига кирмайди"  0 18:00Роналду Саудия Арабистони чемпионати рамзий жамоасига киритилмади  2 17:38"Барселона" Неймарни ортга қайтарадими?  3 17:17Тўхтахўжаев ва Мирзаев учун курашга яна бир водий жамоаси қўшилди  5 16:55"Ал Аҳли" президенти Марез билан трансфер бўйича музокара ўтказиш учун Англияга учди  1 16:32"Қизилқум" россиялик легионери билан хайрлашди  1 16:09Тимур Кападзе: "2001 йилдан кичик ўйинчиларнинг ҳар бири ОТЖга потенциал номзод"  5 15:55Ўртоқлик ўйини. Ўзбекистон U-17 терма жамоаси 41-дақиқада тўхтатилган баҳсда Малайзия билан дуранг ўйнади  2 15:42Фотоархив. "Божалар" гуруҳи, Давлат Турдиалиев, "Хоразм" ва "Машъал"-2006  13 15:31"Интер Майами" Ди Марияни қўлга киритмоқчи  1 15:08Расман: "Ливерпуль" Мак Аллистер трансферини эълон қилди  2 14:55"Монако"га янги спорт директори тайинланди  0 14:33Полиция томонидан қўлга олинган "Сурхон" футболчиси Ўзбекистонга қайтади  6

"Икки кульминацион нуқтада Асимов АГМК клуби манфаатидан келиб чиқиб, қарор қабул қилгандек" — ПФЛ директори "Насаф" - АГМК ҳамда "Пахтакор" - "Олимпик" ўйинларидаги ҳакамлик ҳақида Янгиликлар

"Икки кульминацион нуқтада Асимов АГМК клуби манфаатидан келиб чиқиб, қарор қабул қилгандек" — ПФЛ директори "Насаф" - АГМК ҳамда "Пахтакор" - "Олимпик" ўйинларидаги ҳакамлик ҳақида

ЎзПФЛ директори Диёр Имомхўжаев 17 август куни ўтказилган Ўзбекистон чемпионатининг 16-туридан ўрин олган "Насаф" - АГМК ҳамда "Пахтакор" - "Олимпик" ўйинларидаги ҳакамлик ҳақида фикр билдирди.

Диёр Имомхўжаевнинг ёзишича, кечаги икки ўйин бўйича ҳамма ундан фикр сўраган. ЎзПФЛ директори бу борада ўз фикрларини баён қиларкан, жумладан, шундай ёзади:

"Насаф — АГМК ўйини бўйича саволларимиз ва эътирозларимиз бор. Ҳакамлар марказига буни билдирдик ва ўйинни экспертлар гуруҳи ўрганиб чиқишини сўрадик. Агар бош ҳакам ўзига ишонмаётган бўлса ва ВАР унга керакли кадрни топиб бера олмаган бўлса, ҳаммасини аниқ кўрганига ишонаётган қанот ҳакамининг фикрини эшитиши керак эмасмиди, деган саволни ўртага ташладик. Фикримча, икки кульминацион нуқтада Асимов АГМК клуби манфаатидан келиб чиқиб, қарор қабул қилгандек. Бироқ менинг фикрим ҳам сизники каби субъектив. Ишонаманки, объектив баҳони марказ беради.  

Пахтакор — Олимпик ўйини бўйича ҳакамларга ҳеч қандай эътирозимиз йўқ. Юқори темпли ва сифатли учрашув (футболчилар хатоларини айтмаса). Жиззахда майдон сифатсиз бўлса, Жарда у гилам. Фикримча, муваффақиятсизликка сабаб ҳакамлардан изланиши керак эмас. Биз клублар мураббийларидан мундиалга чиқишимиз учун нима қилишимиз керак, деб сўрамаяпмиз. Клублар ҳам мураббий билан шу йўсинда шартнома имзолайди, деб ўйламайман. Мураббий ўз клуби учун жавоб бериши керак. Тўп Олимпик футболчисининг қўлига теккан вазиятда бемалол айтишим керак — бу ерда пенальти йўқ. Яқин масофадан тўпни кимдир сизга зарб билан тепса, сиз ҳам ўзингизни максимал ҳолатда шундай ҳимоя қиласиз, ҳимоячи тўпни қўли билан қайтаришни эмас, тўпдан камроқ зарар кўришни ўйлади IMHO. Қолган икки кульминацион вазиятда эса камида Пахтакор фойдасига қарор чиқарилди, эътироз билдирса, Олимпик билдириши керак. Иккинчи клуб хатони бошқа ердан изласин.

P.S. Ҳамма бир нарсани тушуниши шарт. Учрашувда асосий нарса ВАР эмас, бош ҳакам. Бош ҳакам ўзига юз фоиз ишонса, ВАР чақирувига бормасликка ҳаққи бор. ВАР қизил дея шубҳа билдирса, аммо бош ҳакам бу фикрга қўшилмаса, қизил бермасликка ҳаққи бор. Ҳакамлар қарор қабул қилаётганда аниқ критериялардан келиб чиқиши учун максимал даражада ҳаракат қилинади. Аммо сиз-у биз каби ҳакамларнинг ҳам ўз фикр ва қарашлари бор. Буни тушуниш керак. ВАР бош ҳакамга ёрдамчи ва ҳар қандай ҳоалтда ҳам якуний қарорни бош ҳакам қабул қилади, ВАР эмас".

Эслатиб ўтамиз, 17 август куни ўтказилган мазкур икки учрашув ҳам дуранг натижа билан якунланган. Хусусан, "Пахтакор" ЖАРда "Олимпик" билан 1:1 ҳисобини қайд этган бўлса, АГМК Қаршида "Насаф" билан 0:0 ҳисобидаги дурангга имзо чекди.

Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика