"Кутилганидек ўйин оғир кечди. Жиддий меҳнат қилишимизга тўғри келди. "Арсенал" ва Артетага қарши ўйнаш қийин. Шунинг учун, футболчиларимдан миннатдорман.
Микел барча нарсани билади. У дўстим бўлгани учун бу гапларни айтаётганим йўқ. У ақлли. Мен уни жамоасини кузатиб, кўп нарса ўрганганман. Бугун ҳам келажакда фойдаланишим мумкин бўлган нарсаларни кўрдим. У футбол ҳақида барча нарсани билади.
Одамлар бизнинг ғалабали сериямизни кўриб, барчаси осонликча рўй беряпти деб ўйлашмоқда. Мен бунақасини кутмагандим. Бажараётган ишлари учун футболчиларимдан миннатдорман. Бундай ўйинларда 1:0 ҳисобида ғалаба қозониш - айнан биз бажаришимиз лозим бўлган вазифадир.
Олдинда яна АПЛдаги 4 та уй ўйини бор. Биз нима истаётганимизни тушунамиз. Катта қадам ташлашни хоҳлаймиз", - деди Гвардиола.
