Bahodir Ahmedov shogirdlari Toshkentdagi yig'in doirasida bugun Iroq terma jamoasiga qarshi birinchi o'rtoqlik uchrashuvida maydonga tushdi. Qiziqarli kechgan bellashuvda vakillarimiz 5:4 hisobida g'alaba qozondi. O'FA matbuot xizmatining xabar berishicha, Iroqqa qarshi kechadigan ikkinchi bahs raqib tomon iltimosiga ko'ra 14 sentyabrdan 15 sentyabrga ko'chirildi.
O'yin "Yunusobod" yopiq sport majmuasida 18:00da bo'lib o'tadi.
