Евро-2020нинг навбатдаги иштирокчиси маълум бўлди
13 окт 2019 01:45
Янгиликлар

Евро-2020нинг навбатдаги иштирокчиси маълум бўлди

Бироз олдин, Евро-2020 саралашининг 7-туридан ўрин олган Италия – Греция баҳси ўз якунига етди.

Унда мезбонлар ишончли тарзда (2:0) зафар қозонишди.

Шу тариқа, Роберто Манчини шогирдлари келаси йил бўлиб ўтадиган қитъа биринчилиги йўлланмасини муддатидан олдин ҳал этган иккинчи терма жамоага айланишди. Аввалроқ, Бельгия вакиллари ҳам Евро-2020 масаласини ижобий ҳал этишганди.

Эслатиб ўтамиз, италияликлар «G» гуруҳида юз фоизлик натижа кўрсатган ҳолда 21 очко билан пешқадамлик қилишмоқда.