Manbaning yozishicha, italiyalik posbon Keylor Navas bilan keskin raqobatni kutgan, ammo zaxirada shuncha o'yin o'tkazishini o'ylamagan.
Hatto uning agenti Mino Rayolani ham vaziyat hayron qoldirmoqda, u mavsum boshlanishidan oldin Donnarumma PSJ asosiy tarkibida o'ynaydi, deb ishonch bilan aytgandi.
Qayd etilishicha, parijliklar bosh murabbiyi Maurisio Pochettino Janluijini boshlang'ich tarkibga kiritishi qiyin, chunki Lotin Amerikasi futbolchilari Navasni qo'llab-quvvatlamoqda. Bular safiga Lionel Messi, Neymar, Anxel Di Mariya, Markinos va Leandro Paredes kabi futbolchilar kiradi.
Donnarumma bilan shartnoma tuzish qarorini shaxsan PSJ sport direktori Leonardo qabul qilgandi, u bu imkoniyatni qo'ldan boy berishni istamagan.
Jiji mavsum boshidan buyon Liga 1'da o'tkazilgan to'qqiz o'yinning atigi ikkitasida maydonga tushdi.
