Доннарумма ПСЖда бахтли эмас, Лотин Америкаси футболчилари Навасни қўллаб-қувватламоқда

Манбанинг ёзишича, италиялик посбон Кейлор Навас билан кескин рақобатни кутган, аммо захирада шунча ўйин ўтказишини ўйламаган.

Ҳатто унинг агенти Мино Райолани ҳам вазият ҳайрон қолдирмоқда, у мавсум бошланишидан олдин Доннарумма ПСЖ асосий таркибида ўйнайди, деб ишонч билан айтганди.

Қайд этилишича, парижликлар бош мураббийи Маурисио Почеттино Жанлуижини бошланғич таркибга киритиши қийин, чунки Лотин Америкаси футболчилари Навасни қўллаб-қувватламоқда. Булар сафига Лионель Месси, Неймар, Анхел Ди Мария, Маркиньос ва Леандро Паредес каби футболчилар киради.

Доннарумма билан шартнома тузиш қарорини шахсан ПСЖ спорт директори Леонардо қабул қилганди, у бу имкониятни қўлдан бой беришни истамаган. 

Жижи мавсум бошидан буён Лига 1'да ўтказилган тўққиз ўйиннинг атиги иккитасида майдонга тушди.