Диёр Холматов голини нега Асенсио услубида нишонлагани ҳамда топ-5 чемпионатга йўл олиши ҳақида гапирди

Оқил Абдубарноев

23 июн 2025, 15:33

Суперлиганинг 13-туридан ўрин олган "Пахтакор" - "Қўқон-1912" (2:0) учрашувидан сўнг мезбонлар ярим ҳимоячиси Диёр Холматов ўз фикрлари билан ўртоқлашди.

- Бугунги голингизни Марко Асенсио услубида нишонладингиз. Испаниялик футболчининг ўйин услуби сизга ёқадими?

- Йўқ, урган голимни нишонлаш жараёнининг Марко Асенсиога алоқаси йўқ. Жароҳат олган пайтим кўпчилик мени ёддан чиқарганди, голдан кейинги ушбу ҳаракат орқали ўзимни эслатиб қўйдим.

- Бошқа жамоалардан таклифлар борми?

- Ҳа, насиб этса, Европага йўл оламан. Қайси жамоа эканлиги ҳозирча сир бўлақолсин.

- ТОП-10 чемпионат ичидами?

- ТОП-5 чемпионатдаги жамоа бўлиши мумкин.