Shu munosabat bilan, ushbu chempionlikka hissa qo'shganlarni alohida ta'kidlab o'tishni lozim topdik.
Fursatdan foydalanib yurtimizdagi "Chelsi" muxlislarini tabriklab qolamiz.
Tibo Kurtua. "Chexning o'zi yaxshi edi" deydiganlarni uyaltira oldi belgiyalik posbon
Jon Terri. 34 yoshli himoyachi "Chelsi" sardorligi ostida 4-chempionligini tantana qildi
Sezar Aspilikueta. Ispaniyalik futbolchi o'z o'yinlari bilan asosiy tarkibga mos futbolchi ekanligini isbotlay oldi
Nemanya Matich. Mourinyo matbuot anjumanlaridan birida futbolchiga "monstr" deb baho berdi. Haqiqatdan ham, serbiyalik futbolchi o'z vazifasini ajoyib tarzda uddalay oldi
Sesk Fabregas. Ispaniyalik futbolchi jamoaga kelgan ilk mavsumidayoq APL chempionligini qo'lga kiritdi. "Arsenal"da o'ynab yurgan vaqtlari esa...
Eden Azar. Agar u bo'lmaganida bugun "Chelsi"ning chempionligi haqida ushbu maqola tayyorlanmasligi ehtimoli mavjud edi. Mourinyo bejizga aytmagan: "Azarning har bir oyog'i 100 million funt turadi". Darvoqe, belgiyalik futbolchi shuningdek ushbu mavsumda APLning eng zo'r futbolchisi deb topildi
Diego Kosta. 20 ta gol kiritgan futbolchi mavsumning eng yaxshi to'purari bo'lishga ham da'vogar
Villian. Braziliyalik futbolchi ham o'ziga bildirilgan ishonchni ushbu mavsum to'lig'icha oqladi
Joze Mourinyo. Portugaliyalik murabbiyning bir gapi bor: "Oxirgi kulganning kulgisi haqiqiy kulgi". ("Smeetsya tot, kto smeetsya poslednim"). Jozening uslubiga faqat va faqat qoyil qolish kerak
Roman Abramovich. Klub ho'jayini. Aynan uning pullari evaziga jamoaga kerakli va kuchli futbolchilar sotib olindi. Ushbu ro'yhatga uni ham qo'shib ketmaslik adolatsizlik bo'lardi
Horij saytlari asosida Aziz To'xtamurodov tayyorladi