“Менимча, бу мавсумда еврокубокларда ўйнамаслигимиз фойдамизга хизмат қилиши мумкин. Эътиборимизни тўлиқ чемпионатга қарата оламиз. Жамоа ва жамоадошларим учун бу яхши имконият: ҳафтасига биттадан ўйин ўтказамиз ва бу мавсумда катта муваффақиятларга эришишимиз мумкиндек туюляпти.
Бизда янги мураббий бор ва ҳаммамиз ҳалигача унинг ғояларини ҳамда биздан нима талаб қилаётганини тушунишга ҳаракат қиляпмиз. Мавсумолди тайёргарликдаги энг муҳим нарса — ҳамма майдонга тушиши ва яхши меҳнат қилиши. Йигитлар айнан шундай қилишмоқда.
Алонсо ҳеч нарсани шошилинч қилмайди. У ҳар бир ўйинни ва ўйинимизнинг ҳар бир жиҳатини синчковлик билан таҳлил қилади, биз эса аста-секин янги ғояларни жорий этяпмиз. Кундан кунга кўпроқ нарса ўрганяпмиз ва умид қиламанки, ўйиндан ўйинга яхшиланиб борамиз.
Ўзимни ажойиб ҳис қиляпман. Хаби менга тўлиқ ишонади ва ўз ўйинимни кўрсатишимга имконият бермоқда. У мендан нима кутаётганини тушуниб турибман. У ҳар бир футболчининг ва мен каби ўйинчиларнинг кучли томонларини яхши билади. Бу мавсумда у менга энг яхши уддалайдиган ишимни қилишга имкон беради”, – деди Санчес.
