Азим Аҳмедов: "Карантин бўлмаганида ҳам муҳим очколарни қўлга кирита олардик"

Учрашувдан сўнг "лочинлар"нинг етакчи футболчиси ва сардори Азим Аҳмедов фикрлари билан ўртоқлашди. 

"Мазкур беллашувга яхши тайёргарлик кўргандик. "Металлург" аввалги турларда жуда тартибли ва ишончли ҳаракат қилаётганди. Шу боис уларни янада яхшироқ ўрганишга ҳаракат қилдик. Кучли ва кучсиз томонларини кўриб чиқдик. Биз ҳар бир турда ғалаба учун майдонга тушамиз. Карантин бўлмаганда ҳам шундай муҳим очколарни қўлга кирита олардик деб ўйлайман. Мен бунга ишонаман. Жорий мавсумда таркибимизда яхши боллар йиғилди. Улар билан бирга ОЧЛ йўлланмасини қўлга киритишимизга аминман. Жамоадошларимни ҳаммаси ўз ишини севади ва меҳнат қилишдан қочмайди. Дўстларим билан фахрланаман. Ғалаба билан барча ишқибозларимизни табриклайман",- дейди Азим Аҳмедов.