"Mundo Deportivo" нашри берган хабарга кўра, "матрасчилар" ўз юлдузини қўйиб юбормоқчи эмас.
"Атлетико"нинг мажоритар акциядори ҳисобланган "Apollo Global Management" компанияси клубнинг тижорий ва спорт стратегиясини айнан аргентиналик ҳужумчи атрофида шакллантирмоқда. Хўжайинлар "Атлетико"нинг янада кучайиши ва совринлар учун курашишини исташади ва бу лойиҳада Альварес марказий фигура сифатида кўрилмоқда.
Шу сабабли, Мадрид клуби Хулианни ҳатто катта маблағ эвазига бўлса ҳам "Барселона"га сотиш режасида йўқ.
Бундан хабар топган "Барселона" спорт директори Деку аллақачон бошқа номзодларни қидиришни бошлаган. Агар Альварес трансфери амалга ошмаса, каталонияликлар ҳужум чизиғини кучайтириш учун муқобил вариантларга юзланишади.
Эслатиб ўтамиз, Хулиан Альварес жорий мавсумда Мадрид клубининг ҳужумдаги энг хавфли қуролига айланиб улгурган. "Барселона" эса келаси мавсум учун янги "тўпурар" қидиришда давом этмоқда.
