Асрор Алиқулов: "Йўқотишларни ҳисобга олсак, дуранг биз учун керакли натижа"

Ўйин ҳақида

- Курашга бой ўйин бўлди десам тўғри бўлади. Жисмоний ҳолат ва характер юқори даражага чиққан учрашув гувоҳига айландик. Ҳавонинг бироз иссиқлиги ҳам футболчилар майдонда ўз маҳоратларини тўлиқ кўрсата олишларига тўсқинлик қилгандир. Охирги дақиқаларгача асабий ўйин бўлди. Йўқотишларни ҳисобга олсак, дуранг биз учун керакли натижа эди деб айтсак бўлади.

- Бугун ҳимоявий услубни режа қилганмидингиз?

- Йўқ, биз чуқур ҳимояга ётиб оладиган режа танламадик. Бизга кўпроқ майдон ҳолати халал берди. Биз қисқа узатмалар билан ўйнаймиз, лекин майдондан келиб чиқиб бошқачароқ услубга ўтдик. Ҳимояда ётволиб қарши ҳужум режамиз йўқ эди.

- Ҳар икки лигада ҳам ишлаган мутахассис сифатида Суперлига ва Про-лиганинг фарқини қандай баҳолайсиз?

- Про лига бу йилги мавсумда жамоаларнинг даражаси бир-бирига яқин. Суперлиганинг ҳам даражаси анчайин ошди. Про-лига клублари таркибларига эътибор қаратсангиз, Суперлигада ўйнаган кўплаб футболчилар бор. Шу боис Про-лигада ҳам ҳеч бир учрашувни ўткинчи ўйин сифатида баҳолаб бўлмайди.