Мутахассиснинг таъкидлашича, жамоа бир нечта юлдузларини текинга қўйвормоқда.
"Биз янги футболчиларни сотиб олишимиз учун аввал кимнидир сотишимиз керак. Афсуски, баъзи ўйинчиларни текинга йўқотяпмиз. Бу ёзда бизни катта синов кутмоқда, аммо клуб бундай модель ишлашини аввал ҳам исботлаган.
Кўп марта айтганимдек, келажак порлоқ кўринмоқда, айниқса, бу ёзда кетадиган кучли футболчилар ўрнига янгиларини таклиф қила олсак. Биз ҳозирда ўтиш давридамиз. Ҳар қандай клубда муайян футболчилар билан боғлиқ цикллар бўлади. Жамоа билан катта ютуқларга эришганларнинг кўпчилиги аллақачон кетди ёки кетмоқда.
Афсуски, бу эркин агент сифатида ҳам юз бермоқда — Мо (Муҳаммад Салоҳ), Роббо (Эндрю Робертсон) билан шундай бўлади, Трент билан эса бу аллақачон юз бериб бўлди. Биласизми, бизнинг клуб қайта харажат қилиш учун аввал маблағ қайтариши керак.
Ўтган мавсумда ҳам бу катта чақириқ бўлган эди: биз 5-6 нафар янги ўйинчи билан шартнома имзолаш учун 10-11 нафар футболчини сотишга мажбур бўлгандик", — деди Слот.
Эслатиб ўтамиз, "Ливерпуль" жорий мавсумда ЕЧЛ чорак финалида "ПСЖ"га имкониятни бой бериб, мусобақани тарк этди. Энди мерсисайдликлар бор эътиборини таркибни қайта қуришга ва янги мавсумга тайёргарликка қаратади.
