Андрей Шипилов: "33-дақиқагача ҳеч нима ўхшамади"
29 мар 2019 23:35
Янгиликлар

Андрей Шипилов: "33-дақиқагача ҳеч нима ўхшамади"

Суперлиганинг 2-туридан ўрин олган "Металлург" - "Бухоро" (2:0) учрашувидан кейин мезбонлар устози Андрей Шипилов ўз фикрларини билдирди.

"Биринчи уйдаги ўйинда масъулият ҳам бошқача бўлади. "Бухоро" илк турда АГМК билан жуда яхши ўйнаган эди.

Бугун 33-дақиқагача бизда ҳеч нима ўхшамади, чунки рақиб имкон бермади. Айнан шу дақиқада чиройли ҳужумдан кейин гол урдик. Майдонда жуда кўп кураш бўлди. Кўплаб стандарт вазиятларига эга бўлдик.

Тўғри биз натижа учун ўйнадик. Ғалаба билан жамоамни табриклайман. Ёмғирли ҳавода стадионга келган мухлисларга раҳмат айтаман", - дейди Андрей Шипилов.