UZ

Сўнгги янгиликлар

02:58ЕЧЛ. Куннинг марказий ўйинида дуранг, Германияда голлар ёмғири ва бошқа натижалар билан танишинг  13 01:57"Шахтёр" - "Реал"ни ЕЧЛ гуруҳ босқичида икки ўйинда мағлуб этган бешинчи жамоа  2 01:44Зинедин Зидан: "Истеъфо ҳақида ўйламаяпман"  10 00:51ЕЧЛ. "Реал Мадрид" Украинада ҳеч нима қила олмади ва иккинчи бор "Шахтёрга" мағлуб бўлди   78 00:50ЕЧЛ. "Локомотив" ўз майдонида мағлуб бўлди  14 00:27УЕФА йил рамзий термаси учун номзодлар номини маълум қилди, унга Сиз ҳам ўз овозингизни беришингиз мумкин  3 00:08"Насаф"нинг икки асосий футболчисига "Локомотив" ва "Металлург" қизиқмоқда  14 00:07ЕЧЛ. "Атлетико" - "Бавария" ва бошқа учрашувларнинг асосий таркиблари маълум!  6 23:58"Милан" тўхтамаяпти: А Серия 9-тур якунлари ҳақида  1 23:50"Барселона" Пикенинг ўрнига бошқа номзод топиб қўйди  0 23:41Эшитдик-да: "Насаф" етакчиси клубдан янги шартнома учун 1,5 миллиард маош сўрамоқда  33 23:31"Челси" ва МЮ афсоналари "Дерби Каунти" бош мураббийлиги учун асосий даъвогар  0 23:14Дик Адвокат фаолиятини якунлайди  1 22:53"Нефтчи" - "Турон" учрашувидан ГАЛЕРЕЯ. Юсуфхон Нурматов, Бектемир Мелиқўзиев, "Турон" Суперлига йўлланмасини қандай нишонлади?   36 22:49Coca Cola Суперлига. 26-тур учрашувларини ўтказиб юборадиган футболчилар  3

Александр Гейнрих, Азиз Ҳайдаров, Ислом Иномовлар қатнашган 2006 йилги Осиё ўйинларини ёдга оламиз Янгиликлар

Александр Гейнрих, Азиз Ҳайдаров, Ислом Иномовлар қатнашган 2006 йилги Осиё ўйинларини ёдга оламиз

2006 йил Доҳа мезбонлик қилган Осиё ўйинлари барчанинг ёдида бўлса керак.

Ўшанда Рауф Инилеев бошчилигидаги олимпия терма жамоамиз Қатарда ўтказилган Осиё ўйинларида жуда чиройли ўйин кўрсатган ҳолда барчанинг эътирофига сазовор бўлганди.  Турнирда "А" гуруҳидан ўрин олган вакилларимизга БАА, Қатар, Иордания рақиблик қиладиган бўлди. Гуруҳдаги учта учрашувда ғалаба қозониб 9 очко жамғарган футболчиларимиз чорак финалда Ироқ билан тўқнаш келишади. Ўшанда жуда тартибли ва иродали ўйин намойиш қилган ҳамюртларимиз экстра-таймларда ўтказиб юборилган гол эвазига мағлуб бўлишганди. Қўшимча бўлимларда Асрор Алиқулов майдондан қандай четлатилгани ёдингизда бўлса керага. 

Шунга қарамасдан улар гуруҳ босқичида мезбонлардан ва бизга доим муаммо бўладиган БААдан устун келишганди. Ҳужумчимиз Александр Гейнрих эса тўртта учрашувда бешта гол билан тўпурарлар пойгасида иорданиялик Одайи Сайфидан кейинги ўринни банд қилди. Дарҳақиқат таркиб жуда кучли, деярли барча футболчилар Олий лигада ўз жамоасининг етакчиси бўлиб улгурган, миллий терма жамоада ҳам муҳим футболчи сифатида тилга олинаётганди. Мазкур турнирдан бир йил ўтиб Рауф Инилеев миллий жамоа бош мураббийига айланади ва термамизни 2007 йилги Осиё кубогига тайёрлайди. Қуйида фотосуратлар орқали ушбу мусобақани ёдга оламиз.


Инилеев Осиё ўйинларига учта ёши катта футболчи сифатида Темур Кападзе, Сервер Жепаров, Асрор Алиқуловни танлайди. Таркибдаги қолган барча футболчилар Олий лигада аллақачон мухлислар оғзига тушганди. 


Мазкур терма жамоадаги футболчилар Инилеев даврида миллий жамоанинг ҳам ўзаги бўлиб хизмат қилди. 


Илҳом Суюновнинг тезкор рейдлари ва кучли зарабаларини мухлислар ҳамон завқ билан ёдга олишади. Афсуски, шундай футболчи бутсаларини эрта михга илишга мажбур бўлди. 2014 йил Тошкентнинг "Локомотив" жамоасидан кетганидан сўнг бошқа яшил майдонга қайтмади.


Сашадан доимгидек ноодатий голни нишонлаш. Бу лаҳзалар учун ҳаттоки борингни бергинг келади. 


Бугунги кунда "Чиғатой" футбол мактабида мураббийлик қилаётган Ильдар Магдеев узоқ йиллар "Пахтакор"нинг асосий футболчиси бўлиб келди. Аслида у Бухоро футболи тарбияланувчиси саналади. "Оқ-тепа" жамоасидаги фаолиятидан сўнг 2015 йилда бутсаларини михга илди. 


Гейнрих ҳозиргина қайси терма жамоа посбонини ранжитди?


Нестеровдан яна бир ажойиб сейв. Унинг ортида барчага яхши таниш бўлган Ислом Иномов. Иномовнинг ўйинларини ҳам  соғинганлар орамизда топилади деб ўйлаймиз. Ушбу футболчи фаолиятининг сўнги дамларида "Сурхон", "Андижон" жамоаларида тўп тепди. 


Майдонда қора ишни бажарадиган Азиз Ҳайдаров амирлик футболчига қарши. 

Абдулазиз Искандаров тайёрлади.

Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика