Рауф Инилеев "Андижон-SGS" билан учрашди

 Ўз вақтида Осиёнинг "Энг яхши мураббийи" номига сазовар бўлган мутахассис ёшлар билан ишлаш хадисини олганлар қаторида гавдаланади. 

Бугун Рауф Талгатович,  Андижонга ташриф буюрди. Бундан кўзланган мақсад,  Ўзбекистон Биринчи лигасида карвонбошчилик қилаётган "Андижон-SGS" футболчилари билан учрашиб,  улар билан суҳбатлашиш,  қолаверса,  вилоятдаги иқтидорли ўсмир ёшларни кузатиш эди. 

Режага кўра,  Ўзбекистон ўсмирлар терма жамоаси устози  аъзолари билан учрашиб,  улар билан юзма-юз суҳбатлашди. Футболчиларга ўзининг бой тажрибасидан келиб чиқиб,  маслаҳатларини бериб ўтди. 

Шунингдек жамоа устози Шохруҳ Ишанов билан ўзаро суҳбат чоғида,  Рауф Талгатович,  "Андижон-SGS"нинг Биринчи лигада дебютант жамоа бўлишига қарамай,  турнир жадвалида пешқадамлик қилиб келиши хурсанд этмасдан қўймаётганини яшириб ўтирмади. Келгусида ҳам тезликни пасайтирмасдан,  ёшларга кўпроқ ишонч билдириш кераклигини,  бу орқали уларни терма жамоаларга тайёрлаб бориш муҳимлигини аълоҳида такидлаб ўтди.  

Жамоа билан учрашув чоғида Инилеев "Андижон-SGS"нинг ўнг қанот ҳимоячиси Абубакир Режаббоевни ҳам алоҳида сўраб ўтди ва эртага унинг хонадонига ташриф буюриб,  холидан хабар олишини кун тартибига киритиб қўйди. 

Албатта, Рауф Инилеевнинг жамоага қаратаётган бундай эътибори,  клубнинг барча аъзоларини хурсанд қилмасдан қолмади. Айниқса эндигина катта футболга кириб келаётган ёш футболчиларга хақиқий мотивация бўлди.