"Сурхон" клуби легионери Шамиль Гасанов Москва шаҳрида гиёхванд моддалар билан қўлга тушган. Бу ҳақда "Мутко против" телеграм канали хабар берди.
Манбанинг хабар қилишича, Гасанов 6 июнь куни тунда йўлнинг белгиланмаган қисмидан кесиб ўтаётган пайти полиция томонидан тўхтатилган. Гасановнинг ўзини тутиши йўл-патруль хизмати вакилларида шубҳа пайдо қилган. Футболчи текширилганда унинг ёнидан номаълум модда топилган.
Экспертизадан кейин бу 0,54 грамм мефедрон моддаси экани маълум бўлган. Гасановга эса жиноий иш очилган.
