"Muhsin Muhammadiev "Buxoro"ni iyun oyida qabul qilib olgan edi. Ushbu murabbiy boshchiligida jamoa 16 uchrashuvda maydonga tushib, 4 g'alaba, 5 durang va 7 mag'lubiyat qayd etdi. Murabbiyga klub rahbariyati tomonidan ishonch bildirildi. Muhammadiev ham o'z navbatida raqobatbardosh jamoa tuzishga va kelasi mavsumga puxta tayyorgarlik olib borishini ta'kidladi. Shuningdek yordamchi murabbiy Oleg Shirinbekov ham kelasi mavsum o'z ishini davom ettiradi", - deb yozadi "Buxoro" klubi matbuot xizmati.
