ЖЧ-2014 стадионлари. “Минейрао” (Белу-Оризонте)
11 jun 2014 17:21
News

ЖЧ-2014 стадионлари. “Минейрао” (Белу-Оризонте)

2014 йилги Жаҳон чемпионатини қабул қилувчи стадионлар билан таништиришни давом эттирамиз.

Бунга қадар 10та стадион ҳақида маълумот бергандик.

“Арена де Коринтианс” (Сан Паулу)
“Арена дас Дунас” (Натал)
“Эстадио Кастелан” (Форталеза)
"Арена Амазония" (Манаус)
"Бразилия миллий стадиони" (Бразилиа)
"Арена Пернамбуку" (Ресифи)
"Фонте Нова" (Салвадор)
"Арена Пантанал" (Куяба)
"Бейра-Рио" (Порту-Алегри)
"Арена да Байшада" (Куритиба)

Бугун Белу-Оризонте шаҳридаги “Минейрао” стадиони ҳақидаги маълумотлар билан танишинг.

Бразилияда катталиги жиҳатидан "Маракана"дан кейинги ўринда турадиган стадионга жами 62,5 минг мухлис сиғади. Бироқ ФИФА одатдагидек сиғимни камайтирди. Бу сафар - 57 483тага тушди.

"Минейрао" мамлакатнинг энг чиройли ва узоқ тарихга эга бўлган стадион. 2012 йилда стадионда катта реконструкция ишлари олиб борилди, унинг ташқи томони Берлиндаги Олимипия стадионига ўхшатилди, инфраструктураси яхшиланди.

"Минейрао"да "Атлетико Минейро" ва "Крузейро" клублари ўз уй ўйинларини ўтказишади. 1997 йилда стадионга 132 834 нафар мухлис келган, бу рекорд ҳисобланади.

Бу ерда Бразилия терма жамоаси бир неча марта ўз ўйинларини ўтказган. Терманинг Белу-Оризонтедаги дебют ўйини Уругвайга қарши 1965 йилда бўлиб ўтган. Ўшанда "селесао" сафида бир вақтнинг ўзида "Палмейрас"нинг 11 нафар футболчиси тушганди.

ЖЧ-2014да "Минейрао"да гуруҳ босқичининг 4та, 1/8 финал ҳамда ярим финалнинг биттадан ўйини бўлиб ўтади.

Тўлиқ номи: "Estádio Governador Magalhães Pinto"
Стадион очилган: 1965 йил
Реконструкция қилинган: 2012 йил
Стадион эгаси: "Minas Arena".
Стадион сиғими: 62160
Майдон узунлиги: 105х68
Стадион расмий сайти: www.novomineirao.mg.gov.br

Қизилқарли фактлар
"Белу-Оризонте"даги стадион журналист таклифи билан қурилган

"Минейрао"га "Атлетико Минейро"нинг ўйинларига "Крузейро"нинг учрашувларидан кўпроқ одам келади.

1969 йилда "Атлетико Минейро" мана шу ерда енгилмас деб аталган Бразилия терма жамоасини мағлуб этганди.

"Минейрао" – Бразилиядаги энг машҳур ва оммабоп концерт саройларидан бири ҳисобланади.

Бу стадиондаги барча ўйинлар:
14 июнь
Колумбия - Греция

17 июнь
Бельгия - Жазоир

21 июнь
Аргентина - Эрон

24 июнь
Коста-Рика - Англия

28 июнь
1/8 финал (A1-B2)

8 июль
Ярим финал

FIFA.UZ да ЖЧ-2014 учун орзулар жамоасини тузинг

Нарзулла Сайдуллаев тайёрлади.

Link :

Source : championat.asia

Receive latest football news directly on your phone. Subscribe for our Telegram channel!

Rating: