Юнгберг: "Арсенал" ажойиб характерга эга"
13 dec 2019 12:03
News

Юнгберг: "Арсенал" ажойиб характерга эга"

Лондоннинг "Арсенал" клуби бош мураббийи вазифасини бажарувчи Фредрик Юнгберг Европа Лигаси гуруҳ босқичининг 6-туридан ўрин олган "Стандард"га қарши учрашув (2:2) натижаларини сарҳисоб қилди.

"Биринчи бўлимда яхши ўйнадик ва режага амал қилдик. Танаффусгача битта ёки иккита гол уришимиз керак эди. Рақибларнинг икки зарбалари голга айланди, бунинг учун футболчиларингни ҳам айблай олмайсан. Учрашув 2:2 ҳисобида якунланди, аммо ҳисобни 3:2га келтиришимиз мумкин эди. Аммо параллел ўйин бўйича менда маълумот бор эди, шунинг учун биз ортиқча ҳаракат қилмадик.

Гуруҳда биринчи ўринни эгаллаганимиз жуда яхши бўлди. "Арсенал" ажойиб старт олди, аммо кейин баъзи муаммоларга дуч келди. Охирги пайтларда жуда кўп ўйин ўтказдик, таркибда ротация қилишимиз керак эди, мен ёшларга имконият беришни хоҳладим.

Жамоа характери ҳайратланарли. Мен футболчилар билан фахрланаман. Бу келажак учун жуда яхши, улар тўхтамайди", - дейди Юнгберг.

Эслатиб ўтамиз, "F" гуруҳида 11 очко тўплаган "Арсенал" 1-ўринни олган бўлса, "Айнтрахт" (9), "Стандарт" (8), ва "Витория Гимарайнш" (5) жамоалари кейинги ўринларга жойлашишди.

Link :

Source : Mirror

Receive latest football news directly on your phone. Subscribe for our Telegram channel!

Rating: +2