“Хоким Кубоги-2016”. "Андижон" ёшлари “Нефтчи”га мағлуб бўлди. Эртага Андижонда “Норин” билан ўйин бор

“А” гуруҳидан ўрин олган “Андижон” сафарда “Нефтчи-1” жамоаси билан куч синашди. Айтиш лозимки, “бургутлар”нинг асосий таркиб аъзолари бугунги кунда пойтахтда йиғин ўтказаётгани боис Фарғонадаги турнирга ёшлар жамоамиз ташриф буюрмоқда. Қаҳрамон Абдуқодиров бошқарувидаги “Андижон” ёшлар жамоаси қаршисида бугун жиддий рақиб гавдаланди. Табиийки ҳисоб ҳам шунга яраша кўриниш олди. 

Андрей Фёдоров бошчилигидаги “Нефтчи”нинг асосий таркибига қарши кечган учрашувда ёшларимиз 2:0 ҳисобида мағлуб бўлди. 

Шуни таъкидлаш жоизки, “А” гуруҳида “Андижон” жамоаси шу кунгача 7 очко тўплади.

Эртага ёшлар жамоамиз “Норин” билан ўйнайди. Учрашув Андижон шаҳридаги Шўрбулоқ даҳасида жойлашган сунъий майдонда 11:00да бошланади. Ишқибозларимизни таклиф этамиз.  

“А” гуруҳи 4-тур

“Андижон” – “Нефтчи-1” - 0:2

Фарғона. “Нефтчи СК” стадиони.

Гол: Бахтиёр Ёқубов, 1:0. Мурод Бобожонов, 2:0.

“Нефтчи-1”: Ўткир Юсупов, Шукур Пўлатов, Жаҳонгир Меҳмонов, Алишер Саматов, Дилёр Ирматов,  Жавоҳир Расулов, Аббос Махсталиев,  Мухсин Убайдуллаев, Бахтиёр Ёқубов, Мансур Саидов, Мурод Бобожонов.

Захира: Абдумавлон Абдужалилов, Илхом Бойдедаев, Сардор Қулматов, Достон Турсунов, Сардор Эминов, Умид Қодиров, Отабек Исроилов, Жамшид Хошимов,  Ислом Тошпўлатов.

“Андижон”: Баракатилло Исроилов, Мадамин Маҳмудов, Аҳрор Ўктамов, Дилмурод Маҳмудов, Бобур Ўришев, Бахтиёр Қосимов, Шохсултон  Парпиев, Рўзивой Абдуғаффоров, Шохжаҳон Ҳасанов, Аброр Комилов, Хондамир Юлдашев.

Захирадан тушганлар: Аваз Шаробиддинов, Баҳром Қосимов, Сардор Солижонов.