Latest news

20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  0 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  1 19:39"Челси" собиқ футболчиси фаолиятини "Севилья"да давом эттиради  0 19:12Саудия Арабистони клуби Грузия терма жамоаси ҳужумчиси учун 40 миллион евро тўламоқчи  0 18:39Аморим "Гримсби" билан ўйиндан кейин истеъфога чиқмоқчи бўлганини айтди  1 18:08"Милан" "Манчестер Сити" ҳимоячиси билан шартнома имзоламоқчи  0 17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  11 16:50Европа Лигасига қуръа ташланди  4 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  11 15:58Родриго "Реал"да қоладими?  3 15:28"Арсенал" "Байер" футболчисининг трансферини якунлади  4 14:57"Ал Иттиҳод" Педро учун 35 миллион евро таклиф қилди  6 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  1 14:02Аргентина терма жамоасининг бўлажак ўйинлар учун таркиби маълум  1

Виктор Кумиков: "АГМК "Пахтакор"дан чўчиб майдонга тушдими ёки бу туғма қўрқоқликми, очиғи билмадим" News

Виктор Кумиков: "АГМК "Пахтакор"дан чўчиб майдонга тушдими ёки бу туғма қўрқоқликми, очиғи билмадим"

Суперлиганинг 3-тур доирасидаги "Пахтакор" - АГМК (2:1) учрашувидан кейинги матбуот анжуманида дастлаб меҳмонлар бош мураббийи Виктор Кумиков иштирок этди.

- Учрашувни дастлабки дақиқалариданоқ ўйинни ютқазиб қўйдик. Баҳсни жуда юўш ва ишончсиз бошладик. Жамоа "Пахтакор"дан чўчиб майдонга тушдими ёки бу туғма қўрқоқликми, очиғи билмадим. Умуман олганда ўйин бобида биз рақибдан кучсиз кўринмадик. Шунчаки бизнинг ва "Пахтакор"нинг ўйин услуби фарқ қилади. Беллашув давомида етарлича вазиятлар яратилди, аммо гол ура олмадик.  Футболда кўпроқ ёки хавфлироқ ҳужум ташкиллаштирган жамоа эмас, балки кўпроқ гол урган жамоа ғалаба қозонади. Агарда биз яратилган вазиятларни голга айлантирганимизда, унда камида мағлубиятга учрамасдик.

- АГМК профессионал футболчилардан ташкил топган жамоа. Қандай қилиб "Пахтакор"дан чўчиб футбол ўйнаши мумкин? Бу нима деган гап...
- Мен ҳам билмайман. Жарима майдончамиз олдидаги саноқсиз хатоларни бошқача таъриф билан тушунтира олмайман. Голлар ҳам ноаниқ узатмалардан кейин вужудга келди. Мен ҳам бу профессионал футболчилар нега "Пахтакор" қаршисида қалтираб ўйнашларини тушунмаяпман. Мана олдимда ўтирган Абдуқаҳҳор Хожиакбаровдан сўранг буни.

- Абдумалик Абдуллаев ўйин охирида жамоага 1 очко олиб келиши мумкин бўлган голни уролмади. Бу ҳужумчи аввалги жамоаларида ҳам айнан шу каби қулай вазиятларни кўкка совуриши билан танилганди. Ушбу футболчини жамоага олиб келишдан олдин уни яхши ўрганган эдизми?
- Биринчидан Абдумалик Абдуллаев асосий таркиб футболчиси эмас. У захира ҳужумчимиз. Агарда учрашув сўнггида ҳужумчи гол уриб, бизга муҳим 1 очкони олиб келганида ҳозир умуман бошқача гапираётган бўлардингиз. Ҳа, унда камчиликлар бор. Биз машғулотларда айнан шу камчилик ва хатолар устида ишлаяпмиз. Бир нарсани тўғри тушунинг, бизда молиявий имкониятлар у қадар катта эмас. Биз жамоага ўзимиз истаган футболчиларни жалб эта олмаймиз. Абдумалик Абдуллаевга машғулотларда гол уришни ўргатамиз. Бошқа чора йўқ. Чунки биз топ клуб эмас. Жамоадаги футболчиларни маошлари ҳам юқори эмас. Шу боисдан ҳам чемпионатдаги энг яхши футболчилар бизни эмас, кучлироқ жамоаларни танлашни маъқул кўришади.


Матбуот анжуманида учрашувда АГМКнинг энг яхши футболчиси деб топилган ҳимоячи Абдуқаҳҳор Хожиакбаров ҳам қатнашди ва ўз фикрлари билан ўртоқлашди.

- Кўплаб томошабинлар қаршисида яхши футбол гувоҳига айландик. Ҳимояда йўл қўйилган иккита хато якунда бизга қимматга тушди. Ҳужумда эса вазиятлар бўлди, аммо гол ура олмадик. Кейинги баҳсларда мухлисларимиз ва мураббийларимизни хурсанд қилишга ҳаракат қиламиз, - деди АГМК қанот ҳимоячиси Абдуқаҳҳор Хожиакбаров. 

Rating: +20   

Comments

championat.asia
< show latest news
Яндекс.Метрика