"Сувон" дарвозабони: "Омад бизга кулиб боқди"
20 sep 2018 13:22
News

"Сувон" дарвозабони: "Омад бизга кулиб боқди"

Кеча бўлиб ўтган Осиё чемпионлар лигаси 1/4 финал жавоб ўйинида Жанубий Кореянинг икки клуби баҳс олиб борди.

"Сувон Самсунг" ва "Чонбук Хюндай" клублари ўртасида кечган беллашувда меҳмонлар 3:0 ҳисобида зафар қучишди. Биринчи ўйинда "Сувон" жамоаси худди шу ҳисоб билан ғалаба қозонганди. Шу боис жавоб баҳси қўшимча таймларга чўзилди.

Аммо қўшимча бўлимларда гол урилмагач ғолиб пенальтилар сериясида аниқланадиган бўлди. Бунда "Сувон Самсунг" клуби рақибидан 4:2 ҳисобида устун келди. Пенальтилар серияси қаҳрамони Шин Хва Ёнг ўйинга шундай таъриф берди:

- "Чонбук" кучли клуб, лекин биз ҳам қараб турмадик. Ҳимоявий ўйнашга ҳаракат қилганимиз боис учта тўп ўтказиб юбордик. Аммо мен рақибга ўйин охирларида тўртинчи голни уришга бермадим. Йўқса ОЧЛ билан хайрлашардик. Баҳс қийин кечди ва биз пенальтилар сериясида зафар қучдик. Омад бизга кулиб боқди. Мен 2009 йил "Поханг" таркибида ОЧЛда зафар қучгандим. Энди бу натижани "Сувон Самсунг" билан ҳам такрорлашни хоҳлайман".

Link :

Source : the-afc.com

Receive latest football news directly on your phone. Subscribe for our Telegram channel!

Rating: