Суперлига. Тур голи - Шароф Муҳитдинов

Аввалроқ тур рамзий терма жамоасини эълон қилган эдик. Энди эса кетма-кетликда тур лауреатларини бериб бораяпмиз.

Суперлига. Тур дарвозабони - Суҳроб Султонов

Ортда қолган 9-турнинг энг чиройли голи деб "Насаф" аъзоси Шароф Муҳитдиновнинг зарбасини топдик. Қаршиликлар "Қўқон-1912" меҳмони бўлишди. Голларга бой ўтган баҳсда 2:2 ҳисобидаги жанговар дуранг қайд этилди. Учрашувда ҳисобни 54-дақиқада "аждарлар" ярим ҳимоячиси Шароф Муҳитдинов очди. Майдон марказидан бироз ўтиб тўпни қабул қилиб олган кучли зарбага эга футболчи 10 метрча олдинга юрди ва зарба бериш учун бемалол тайёрланиб олишга вақти бўлди. Қизиғи, уни ҳеч ким кутиб олмади ва бунинг учун мезбонлар жазоланишди. 20-22 метрлардан киритилган голни эътироф этишга қарор қилдик.

Шу тариқа, Шароф Муҳитдинов 9-турнинг энг чиройли голи муаллифи деб топилди.

Видео
Tas-ix эмас

Ўзбекистон чемпионати турнир жадвали >>>>> СУПЕРЛИГА