Шекспир: "Атлетико"га қарши баҳсда ҳакам пенальти белгилаб адашди"
13 apr 2017 12:12
News

Шекспир: "Атлетико"га қарши баҳсда ҳакам пенальти белгилаб адашди"

"Лестер Сити" бош мураббийи Крэйг Шекспир "Атлетико"га қарши Чемпионлар лигаси 1/4 финал икл учрашувини (0:1) бошқарган ҳакам Юнас Эриксоннинг ишидан қониқмади.

Баҳснинг 28-дақиқасида рефери "тулкилар" дарвозаси томон пенальти белгилади, аммо Шекспирнинг фикрича, қоидабузарлик жарима майдончаси ташқарисида бўлган.

"Бу муҳим қарор эди. Мен ҳакамга у адашганини айтдим. Биз Чемпионлар лигасининг чорак финали ҳақида гапиряпмиз. Унинг қарори бизга жуда қимматга тушиши мумкин.

У ерда пенальти йўқ эди, жарима зарбаси бўлганди. Ҳакамнинг қароридан хафсаламиз пир бўлди. Тўғри, уларнинг иши оғир, аммо муҳим вазиятларда тўғри қарор қабул қилишларини истаймиз.

Ўйиндан сўнг ҳакамдан қоидабузарлик ҳақида сўрадим, у фол чизиқ устида бўлганини, аммо такрорий лавҳада қоидабузарлик жарима майдончаси ташқарисида амалга оширилганини айтди" - дейди Шекспир.

Link :

Source : The Telegraph

Receive latest football news directly on your phone. Subscribe for our Telegram channel!

Rating: +7