"Лестер"нинг собиқ ёрдамчи мураббийи саратон касаллигига чалинди

Бу ҳақда 59 ёшли мутахассис номидан “Лестер” матбуот хизмати хабар берди.

"Крэйг билдирилган эзгу тилаклар ва ушбу оғир дамларда ўзи ва оиласи учун яратилган шароит учун жуда миннатдор", - дейилади клуб баёнотида.

Крэйг Шекспир турли вақтларда "Лестер"нинг ёрдамчи мураббийи бўлиб ишлаган ва 2017 йилда жамоани бошқарган. Англиялик мутахассис 2022/23 йилги мавсум якунида бош мураббий Дин Смит билан бирга клубни тарк этди.

Шекспир 2015/16 йилги мавсумда Клаудио Раньерининг ёрдамчиси бўлган, ўшанда "Лестер" тарихда илк маротаба Англия чемпиони бўлган.