Шаҳриддин Ишназаров: “Қизилқум”нинг ғалабасига ишонамиз”

Ушбу ўйинни “Қизилқум” ПФК Мухлислар клубининг юз нафардан зиёд аъзоси “Жар” стадионида кузатиб боришга ва ўз суюклиларини қўллаб-қувватлашга қарор қилишган.

— Севимли жамоамиз бу йилги мавсумни ўзгача кўтаринки кайфиятда бошладилар, — дейди “Қизилқум” ПФК Мухлислар клуби раҳбари Шаҳриддин Ишназаров. — Шу боис, уларни хоҳ Навоийда, хоҳ сафар учрашувларида бўлсин доимо қўллаб-қувватлашга тайёрмиз. Футболчиларимизнининг чиройли ва ҳужумкор ўйин намойиш этишлари учун вилоят ҳокимлиги ҳамда хомийлар барча шарт-шароитларни яратиб беришмоқда. Айни пайтда бизнинг олқиш ва қўллаб-қувватлашимиз жамоа учун сув ҳамда ҳаводек зарур.

“Обод” жамоаси олий лига дебютанти бўлса-да, рақибларига қарши қандай муносиб қаршилик кўрсатаётганлигини барчамиз кўриб, билиб турибмиз. Шунга қарамай, бугун “Қизилқум”нинг ғалабасига ишонамиз. Бизнинг “Жар” стадионига ташриф буюришимиз жамоамиз ғалабаси учун хизмат қилади, деган умиддамиз.
Ўз навбатида ҳозирда Тошкентда фаолият кўрсатаётган ва таълим олаётган навоийлик мухлисларни ўз сафимизга чорлаймиз ва “Қизилқум” жамоасини қўллаб-қувватлашга чорлаймиз.

“Қизилқум” ПФК Матбуот хизмати.