Россиядаги янги спорт канали келишувининг маблағи 9 млрд рублни ташкил этади

Маълум бўлишича, "Спорт 360" рекламадан даромад олади. "Газпром-медиа" бошқарув вакили Дмитрий Чернишенконинг сўзларига кўра, телеканал ишга тушганидан 3 йил ўтиб даромад келтира бошлайди.

Хабарларга кўра, ВГТРК ва "Газпром Медиа" ўртасидаги келишув 9 млрд. рублни ташкил этади ва битимга ВГТРК ишлатаётган баъзи техникалар ҳам киради.

Келишувга ВГТРКнинг 4та канали кириши кутилмоқда, аммо бу борада якуний қарор қабул қилинмаган.

Чернишенконинг сўзларига кўра, "Газпром-медиа" йирик спорт турнирларининг Россия телеканаллари учун ягона харидорига айланади ва шу сабабли ҳуқуқлар нархи ошмайди.

Эслатиб ўтамиз, олдинроқ ВГТРК (Россия 2, Спорт 1 каби каналлар таркибида) ва "Газпром-медиа" (НТВ + Футбол, НТВ + Онлайн, НТВ + Баскетбол каби каналлар таркибида) ҳамкорликда ишлашга келишиб олган эди.