Роберт Варела: "Қирғизистонга қарши финалга тенг ўйин бўлади"
18 feb 2016 17:50
News

Роберт Варела: "Қирғизистонга қарши финалга тенг ўйин бўлади"

Футзал бўйича Осиё чемпионати доирасидаги Ироқ - Австралия ўртасидаги ўйиндан сўнг Роберт Варела матбуот анжуманида ўз фикрларини билдирди.

“Биз кутган воқеалар юз берди. Ироқни ўрганиб чиқдик. Рақиб биз кутгачалик қаршилик кўрсатди. Аммо менинг шогирдларим ҳам яхши ўйнашди. Қирғизистон Японияни 6:2 ҳисобида мағлуб этганини эшитдим. Демак эртага Қирғизистонга қарши қийин ўйин кутиб турибди”, - дейди Варела.

- Кечаги мағлубиятдан сўнг шогирдларингиз сизни қанчалик ҳайрон қолдира олишди?
- Бугун жуда яхши ўйнадик. Ёки бугун ёки ҳеч қачон деган шиор билан майдонга тушдик. Жамоам учун катта хурсандман.

- Япония терма жамоаси Жаҳон чемпионатига чиқа олмагани мураббий сифатида сизни ҳайрон қолдирдими?
- Мигел Родригони жуда яхши биламан. У билан танишмиз. Майдонда рақиб бўлсак ҳам ҳаётда яқин дўстмиз. Албатта унинг учун хафаман. Ундан кўп нарса ўрганганман. Барчанинг олдида Родригога раҳмат айтаман. Аммо таблодаги ҳисоб Қирғизистон кучли ўйнаганини кўрсатиб турибди.

- Эртанги ўйиндан олдин Австралия фаворитми?
- Биз Ироқни 5:3 ҳисобида мағлуб этдик, Қирғизистон эса Японияни 6:2 ҳисобида таслим қилди. Бунинг ўзи ҳам мусобақада рейтинг ёки фаворитлар роль ўйнамаётганини англатади. Эртага финалга тенг ўйин бўлади. Финалда фаворит бўлмайди. Учрашув 0:0 ҳисоби билан бошланади, ким эртага яхшироқ ўйнасагина ўша жамоа ютади. Рейтинг тарихда қолади, эртага эса янги тарих яратилади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +3