Ўзбекистон аёллар термаси ўртоқлик ўйинида БААни йирик ҳисобда мағлубиятга учратди
10 mar 2017 08:40
News
![](https://championat.asia/upload/storage/244165_original.jpg)
![](/upload/storage/244165_220.jpg)
Ўзбекистон аёллар термаси ўртоқлик ўйинида БААни йирик ҳисобда мағлубиятга учратди
Голларга бой кечган ўйинда Шерали Бобоқулов шогирдлари 8:1 ҳисобида ғалаба қозонди. Маҳлиё Сарикова ва Лианна Нарбекова хет-трик қайд этган бўлса, Людмила Карачик ва Камола Рисқиева ўз ҳисобига биттадан гол ёздириб қўйди.
12 март куни Ўзбекистон аёллар термаси БААга қарши навбатдаги ўртоқлик учрашувини ўтказади. Мазкур учрашувлар ҳар икки терма жамоа учун Осиё Кубоги–2018 саралаш босқичидаги иштирокига тайёргарлик вазифасини ўтайди.
Ўзбекистон аёллар терма жамоаси Осиё Кубоги–2018 саралаш босқичи “B” гуруҳидан жой олган бўлиб, финал босқичига чиқиш учун Жанубий Корея, Гонконг, Ҳиндистон ва КХДР аёллар термасига қарши баҳс олиб боради.
БАА саралашнинг “А” гуруҳидан ўрин олган ҳамда финал босқичи йўлида Иордания, Филиппин, Баҳрайн, Ироқ ва Тожикистон аёллар терма жамоасига қарши куч синашади.
Ўртоқлик ўйини
Дубай, БАА
9 март, пайшанба
Ўзбекистон – БАА — 8:1
Голлар: Рисқиева (33), Карачик (49), Нарбекова (50, 56, 60), Сарикова (58, 67, 77)
Ўзбекистон: Лайло Тиловова, Зумрад Назарова, Холида Дадабоева, Юлдуз Набиева, Камола Рисқиева, Нозима Камолтоева, Мафтуна Шойимова, Феруза Турдибаева, Маҳлиё Сарикова, Лианна Нарбекова, Людмила Карачик.
Захира: Мафтуна Жонимкулова, Мавлуда Мунавварова, Дилдора Нозимова, Махфуза Туропова, Нилуфар Қудратова, Умида Зоирова, Ирода Турдалиева.
Similar news
![AMP Logo](https://championat.asia/image/logo-amp.png)
Comments