Latest news

18:50АПЛ. "Брайтон" - "Манчестер Сити" 0:1 (матнли трансляция)  8 18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4

"Нефтчи" - "Турон" ўйинидан сўнг четлатилган футболчиларнинг кейинги тақдири нима бўлди? Шерзод Абдураимов: "Дисквалификация бизни тарбиялади" News

"Нефтчи" - "Турон" ўйинидан сўнг четлатилган футболчиларнинг кейинги тақдири нима бўлди? Шерзод Абдураимов: "Дисквалификация бизни тарбиялади"

Хабарингиз, Про-лиганинг 2020 йилги мавсуми якунида бўлиб "Нефтчи" - "Турон" учрашувидан сўнг юзага келган тартибсизликлардан сўнг мезбонлар сафида бир қатор футболчилар дисквалификацияга учраган эдилар.

Жумладан дарвозабон Шерзод Абдураимов, ҳимоячи Жамшид Қобуловлар 1 йил муддатга четлатилганлиги туфайли жорий мавсум Қирғизистон чемпионатида ўйнаб қайтдилар. Сайтимиз мухбири Шерзод Абдураимов билан боғланиб айни масалалар юзасидан интервью ташкил этди.


- Шерзод, дисквалификация муддати якунига қадар легионер сифатида Қирғизистон чемпионатида ўйнаганингиз ҳақида эшитдик. Айтингчи, бу жараён қандай юз берди?

- Биз Ўзбекистон футбол ассоциацияси қарорига кўра, бир йил муддатга футболдан четлатилгандик. Футболчи учун ўйин амалиётисиз қолиб кетиш жуда оғир холат ҳисобланади. Фарғона вилояти футбол ассоциацияси билан хамкорликда Ўзбекистон футбол ассоциацияга мурожаат билан чиқдик. Мақсадимиз ўйин амалиётисиз қолиб кетмаслик учун бошқа давлатда бўлса ҳам футбол ўйнаш, майдонга тушиш эди. Ўзбекистон футбол ассоциацияси бизни тушунган холда хориж чемпионатларида футбол ўйнаш учун имконият берди. Шундан сўнг Қирғизистон чемпионати вакили - "Каганат" клубидан мен ва ҳимоячи Жамшид Қобулов иккимизга чорлов бўлди. Биз бу таклифни қабул қилдик ва Қирғизистонга бориб "Каганат" таркибида чемпионатда иштирок этдик. Ҳаммаси кутилганидан яхши ўтди, қийин бўлса ҳам яхши мавсум ўтказдик деб айта оламан. Жамшид Қобулов ҳам мен билан биргаликда Қирғизистон чемпионатида иштирок этди, ўзини ҳар томонлама кўрсата олди. Ишонч билан айта оламан, Жамшид Суперлига даражасидаги ҳимоячи.


- Эндиликда сизда собиқ клубингизга, яъни "Нефтчи"га қайтиш имконияти борми? 

- "Нефтчи" ҳозирда Суперлигага қайтган ва жамоадаги рақобат жуда кучли. Собиқ жамоамга қайтишим учун янада кўпроқ ишлашим, кучли бўлишим керак. 


- Футбол мухлисларига, умуман футбол жамоатчилилигига нималарни айтган бўлардингиз

- Биласизми, дисквалификация бизни тарбиялади. Бир йиллик муддат давомида биз хато иш қилганимизни англаб етдик. Ҳозирга келиб бизга қўйилган дисквалификация муддати якунланди ва эндиликда имконият бўлса миллий чемпионатларимизда боримизни бериб ўйнашга тайёрмиз.


Муаллиф: Бекзод Толибов

Rating: +9   

Comments

championat.asia
< show latest news
Яндекс.Метрика